भद्रावती – तालुक्यातील चिरादेवी हे गाव आदर्श गाव म्हणून ओळखले जाते. दरवर्षी प्रमाणे यावर्षी सुद्धा काशिमाय देवस्थान समिती च्या पुढाकाराने १ जानेवारी २०२४ ला ठरल्याप्रमाणे यात्रा भरत असते. याठिकाणी गोपाळकाल्याचे किर्तन आपल्या भद्रावती येथील ह.भ.प. गुणवंत कुत्तरमारे (भद्रावतीकर ) यांच्या हस्ते होणार आहे. तरी देवस्थान समितीच्या वतीने भाविकांना मोठ्या संख्येने उपस्थित राहून यात्रेची शोभा वाढवावी असे आव्हान केले आहे.

या यात्रेची पाश्वभूमीवर म्हणजे ४० वर्षापूर्वी या ठिकाणी पाण्याचा खड्डा होता. आणि त्या खड्ड्यातून सतत पाणी वाहत असे पूर्वी वाहण नसल्यामुळे कोची,घोनाड ,चिरादेवी येथील लोक बाजाराला पायी भद्रावती ला जायचे. येणारे – जाणारे नागरिक त्या झऱ्याचे पाणी पित होते. मुख्य म्हणजे तो खड्डा बारा ही महिने जसाच्या तसाच भरून दिसत असे. त्यामुळे गावातीलचं स्व. गोंविदा तलांडे यांनी आपल्या कल्पनेतून गायमुख तयार केले आणि तिथेच एक टाकं बांधण्यात आले होते . उन्हाळ्यात जनावरे त्या टाक्यातील पाणी पिऊन ताण भागवत असे. नंतर त्यांनी पिंड वगैरे तयार करून गावकऱ्यांच्या विचार घेऊन १९७६ ला यात्रा सुरू केली. काही वर्षांनंतर तिथे लोकवर्गणीतून शिवशंकराचे मंदिर बांधण्यात आले. आज या ठिकाणाला काशीमाय देवस्थान म्हणून ओळखले जाते. तेव्हापासून कार्यक्रमाचे आयोजन दरवर्षी नवीन वर्षाला चिरादेवी वासीयांच्या पुढाकाने करत असते…