मेरी माटी मेरा देश कार्यक्रम संपन्न…

महात्मा गांधी कॉलेज ऑफ सायन्स गडचांदूर येथील राष्ट्रीय सेवा योजना विभागाद्वारा दिनांक 12 ऑगस्ट 2023 रोजी ‘मेरी माटी मेरा देश’ या केंद्र शासनाच्या अभियानांतर्गत “वीरो को नमन “:हा कार्यक्रम आयोजित करण्यात आला. सदर कार्यक्रमाकरिता महाविद्यालयाचे माजी कार्यकारी प्राचार्य रामकृष्ण मटाले अध्यक्ष म्हणून , तर भौतिकशास्त्र विभागाचे विभाग प्रमुख श्री पवन चटारे व महाविद्यालयाचे ग्रंथपाल श्री मनोहर बांद्रे हे प्रमुख वक्ता म्हणून उपस्थित होते .
या कार्यक्रमात श्री बांद्रे व श्री चटारे यांनी ,”स्वातंत्र्य सेनानी तथा सीमेवर देशाचे रक्षक करणारे जवान तसेच देशांतर्गत भागात देशाची अंतर्गत सुरक्षा अबाधित ठेवणारे सुरक्षा जवान यांचा गौरवात्मक उल्लेख करून , शहीद झालेल्या जवानांना श्रद्धांजली वाहिली. सदर कार्यक्रमाचे आयोजन करण्याकरिता रासेयो कार्यक्रमाधिकारी डॉ. संदीप घोडीले यांनी विशेष प्रयत्न केले कार्यक्रमाला विद्यार्थी तसेच शिक्षक व शिक्षकेतर कर्मचारी उपस्थित होते.