भद्रावती : शहरातील स्थानिक लोकमान्य विद्यालयात दिनांक 6 ऑक्टोंबर 2025 रोज सोमवारला सकाळी स्टेट बँक ऑफ इंडिया शाखा भद्रावतीच्या ग्राहक सेवा केंद्राच्या संचालिका सौ. सारिका संदीप इंगळे यांच्या पुढाकाराने व बँक व्यवस्थापक धीरज येवले, बँकेचे सहाय्यक अधिकारी फुलझले यांच्या मार्गदर्शनात झिरो बँक बॅलेन्स खाते आधारित शिबिर राबविण्यात आले.
या शिबिराच्या माध्यमातून विद्यार्थ्यांना शिष्यवृत्ती व इतर योजनेसाठी झिरो बॅलेन्स बँक खाते उघडून देण्यात आले यामुळे बँकिंग क्षेत्रातील विद्यार्थ्यांच्या अडचणी दूर झाल्या व विद्यार्थ्यांनी बँकिंग सेवेचा अनुभव घेतला तसेच या शिबिरात विद्यार्थ्यांना बँक खात्यासोबत स्कूल बॅगचे सुद्धा वितरण करण्यात आले. याप्रसंगी लोकमान्य विद्यालयाची अध्यक्ष चंद्रकांत गुंडावार, प्राचार्य धारणे, विद्यालयातील संपूर्ण शिक्षक वृंद व संदीप इंगळे उपस्थित होते.
