भद्रावती
भद्रावती तालुक्यातील कुचना येथील रहीवासी तथा भद्रावती तालुका कॉग्रेसच्या माजी महिला अध्यक्षा वर्षा राजेश ठाकरे यांनी दि. 18 ऑगस्ट रोजी नागपूर येथील रेडीसन ब्लू हॉटेल येथे शिवसेना नेते खासदार संजय राऊत यांच्या प्रमुख उपस्थितीत शिवसेना (उध्दव बाळासाहेब ठाकरे) पक्षात प्रवेश केला. याप्रसंगी शिवसेना चंद्रपुर जिल्हाप्रमुख रविद्र शिंदे , चंद्रपुर जिल्हा महीला आघाडी संपर्क प्रमुख सुषमा साबळे,जेष्ठ शिवसैनिक जयदीप पेंडसे, पुर्व विदर्भ युवासेना सचिव तथा सिनेट सदस्य निलेश बेलखेडे आणि भद्रावती तालुका प्रमुख नरेंद्र पढाल प्रामुख्याने उपस्थित होते.
वर्षा ठाकरे यांचे पती राजेश ठाकरे माजी जि.प. सदस्य होते. वर्षा ठाकरे यांनी त्यांच्या तीस वर्षाच्या राजकीय कारकिर्दित कुचना ग्रा.पं. सरपंच, उपसरपंच व सदस्य पदावर कार्य केले. त्या कुचना ग्रा.पं. च्या विद्यमान सदस्या तसेच भद्रावती नागरी पतसंस्थेच्या विद्यमान संचालिका आहे. दिक्षा कमेटी व तालुका संजय गांधी निराधार योजना कमेटीच्या त्या माजी सदस्या आहे. सोबत विविध सामाजिक संस्था व संघटनांत त्यांचा सक्रिय सहभाग आहे. शिवसेना ( उ. बा. ठा. )चंद्रपुर जिल्हा महीला आघाडी व वरोरा-भद्रावती विधानसभा महीला आघाडीच्या वतीने त्यांचे स्वागत करण्यात आले.
