भद्रावती : शहरातील स्थानिक एनजीओ ‘हेल्पिंग हँड्स मल्टीपर्पज सोसायटी, भद्रावती’ अनेक प्रकारचे उपक्रम भद्रावती शहरांमध्ये व आजूबाजूच्या परिसरामध्ये सतत राबवत असतात. अश्यातच ही हेल्पिंग हँड्स NGO टीम गरजू लोकांपर्यंत पोहचून त्यांना कपडे व मिठाई वाटप करण्याचा उपक्रम दि. २४ ऑक्टोबर रोजी अगदी यशस्वी पणे पार पडला.
भद्रावती परिसरात रेल्वे रुळाचे काम करण्याकरिता आलेल्या कामगारांना आणि त्यांच्या परिवाराला हिवाळा, दिवाळी आणि सणासुदीचे औचित्य साधून कपडे व स्वीट वाटप करण्यात आले. भद्रावती व डिफेन्स कॉलनी परिसरामधील अनेकांनी कपडे दान करून या उपक्रमाला सहकार्य केले. दान स्विकारणाऱ्या गरजूंनी अतिशय आनंदाने या उपक्रमाचे स्वागत करून नम्रतेने सहकार्य केले. जवळपास २५० गरजु लोकांपर्यंत आज हेल्पिंग हँड्सच्या टीमने पोहचून मदत केली.
या उपक्रमाला सहकार्य व योगदान देणाऱ्या प्रत्येकालाच एक वेगळा करुणेचा, दानाचा व हर्षोउल्लासाचा अनुभव नक्कीच आला असे सर्वांच्या मनोगतातून समजले. हेल्पिंग हँड्स NGO भद्रावती मधील सतत योगदान व सहकार्य करणारे सोनल उमाटे, कृतांत साहारे, प्रशांत सातपुते, सुकेशनी मानकर, स्नेहा सातपुते, रीता सहारे, हर्षदा हिरादेवे, दीपक कावटे, जया सपाटे पवन दासलवार, राजरत्न पेटकर, अनिकेत बांबोडे, रोहिणी पडवेकर, स्वप्निल मत्ते, मनोज पेटकर, अंकित तोडे, सागर निरंजने, कैश शेख, निखिल उंबरकर, श्वेता उंबरकर, प्राची वेल्हेकर, आशिष मल्लेलवार, तुषार दुर्गे, मंजूताई थुल, प्रगती उमाटे, रुही पठाण, जबीन शेख, ज्योत्सना कुरेकर आणि इतर सर्वांचे आभार मानण्यात आले.
